Kalittokai 136

((Originally extracted from master file ^KALI.OCP))

((Last updated on 2010 October 12th))

PDF [AR edition]

Metrical description (AR, pp. 850): iḵtu ottāḻicaikkali

A

• {KALI 136-1} ivar timil eṟi tirai īṇṭi vantu alaitta kāl
• {KALI 136-2} uvaṟu nīr uyar ekkar alavaṉ āṭu aḷai vari
• {KALI 136-3} taval il taṇ kaḻakattu tavirātu vaṭṭippa
• {KALI 136-4} kavaṟu uṟṟa vaṭu ēykkum kāmaru pūm kaṭal cērppa

B

• {KALI 136-5} muttu uṟaḻ maṇal ekkar aḷitta kāl muṉ āyam
• {KALI 136-6} pattu uruvam peṟṟavaṉ maṉam pōla nantiyāḷ
• {KALI 136-7} a tiṟattu nī nīṅka aṇi vāṭi a āyam
• {KALI 136-8} vittattāl tōṟṟāṉ pōl vey tuyar uḻappa ō

C

• {KALI 136-9} muṭa tāḻai muṭukkar uḷ aḷitta kāl vittāyam
• {KALI 136-10} iṭai taṅka kaṇṭavaṉ maṉam pōla nantiyāḷ
• {KALI 136-11} koṭai takkāy nī āyiṉ neṟi allā kati ōṭi
• {KALI 136-12} uṭai poti iḻantāṉ pōl uṟu tuyar uḻappa ō

D

• {KALI 136-13} naṟu vī tāḻ puṉṉai kīḻ nayantu nī aḷitta kāl
• {KALI 136-14} maṟu vittam iṭṭavaṉ maṉam pōla nantiyāḷ
• {KALI 136-15} aṟivittu nī nīṅka karutiyāykku a poruḷ
• {KALI 136-16} ciṟu vittam iṭṭāṉ pōl ceṟi tuyar uḻappa ō

E

• {KALI 136-17} āṅku

F

• {KALI 136-18} koṇṭu palar tūṟṟum kauvai añcāy
• {KALI 136-19} tīṇṭaṟku aruḷi tiṟaṉ aṟintu eḻīi
• {KALI 136-20} pāṇṭiyam ceyvāṉ poruḷiṉum
• {KALI 136-21} īṇṭuka ivaḷ nalam ēṟuka tēr ē